हे गणनायका, प्रथम वंदितो तुजला... श्री गणेशोत्सवाच्या मंगल प्रसंगी आम्ही आपले मनःपूर्वक स्वागत करतो. भगवान श्री गणेशाच्या जन्मोत्सवाचे भक्तिभाव, श्रद्धा आणि उत्साहाने स्वागत करण्यासाठी आम्ही एकत्र आलो आहोत. आपण आमच्या मंडळास भेट देऊन श्रींचे दर्शन घ्यावे आणि प्रेमपूर्वक सजविलेल्या आरासेचा आनंद घ्यावा, ही विनंती.

सामाजिक ऐक्य आणि जनजागृतीच्या उद्देशाने लोकमान्य बाळ गंगाधर टिळक यांनी १८९३ साली सार्वजनिक गणेशोत्सवाची परंपरा सुरू केली. त्या प्रेरणेतून १९६७ मध्ये पाली पठार येथील सामाजिक कार्यकर्ते आणि रहिवाशांनी एकत्र येऊन 'पाली पठार रहिवासी मंडळ' स्थापन केले. कै. जी. बी. कदम, कै. काशिनाथ मेस्त्री, कै. सोनू पवार, कै. मनाबाई पाटील, कै. विनायक पावसकर, कै. रामप्रसाद ठाकूर, कै. महादेव बिर्जे, कै. रामचंद्र वेटुरकर आणि कै. भीमराज जाधव यांच्या अथक प्रयत्नातून या कार्याची पायाभरणी झाली.

सन १९७४ मध्ये प्रथम सार्वजनिक श्री गणेशोत्सव साजरा करण्यात आला. तेव्हापासून प्रत्येक पिढीने श्रद्धा, भक्ती आणि उत्साहाने ही परंपरा अखंडपणे जपली आहे. आज आमचे मंडळ ५२ वर्षांचा यशस्वी प्रवास पूर्ण करून ५३ व्या वर्षात पदार्पण करत आहे. हा प्रवास आपल्या सर्व रहिवाशांचे, दुकानदारांचे, देणगीदारांचे आणि असंख्य भक्तांचे प्रेम, सहकार्य आणि आशीर्वाद यामुळेच शक्य झाला आहे.

आमच्या या यशस्वी प्रवासात ज्यांनी प्रत्यक्ष किंवा अप्रत्यक्ष सहकार्य केले त्या सर्वांचे आम्ही मनःपूर्वक आभार मानतो. भविष्यातही आपले प्रेम, विश्वास आणि सहकार्य असेच लाभत राहो, ही श्री गणरायाच्या चरणी प्रार्थना.

आपले नम्र — प्रभा स्पोर्ट्स क्लब, सार्वजनिक श्री गणेशोत्सव (रजि.), वांद्रे (पश्चिम), मुंबई – ४०००५०.